Diantika IE 
Saukur Harepan
Oleh, Diantika IE
Ngaplak mega ayang-ayangan
Mangrupa gurat-gurat warna kahirupan
Pananda beurang amit mundur
Permios poe isuk pateupang deui
Anjeun imut manis ngadon milu pamitan
Seja undur diri, niat rek mulang
Ceunah “simanehna parantos ngantosan”
Aya hate anu teu bisa tumarima
Karasa nyeri na dada
Nyisit ati aya ku peurih
Kuduna ieu diri anu jadi pangbalikan…
Gandang, ….
Naha anjeun bade kamana?
Asa teu kudu mulang sagala
Di dieu tempat anjeun cicing nu pasti
Bakal diperenahkeun saestona
Demi kabagjaan salira
Kasep, .…
Bade kamana?
Naha teu bisa dagoan heula, nyai jangji tong cangcaya
Cinta nyai ngan ukur salira
Bandung, 2019
Ruang Pena 
